Главная > Свет Православия > Православная семья > Семья – остаток рая на Земле

Семья – остаток рая на Земле

Брак – это священный союз мужчины и женщины о Господе. Для того, чтобы их любовь была такой совершенной, как её сотворил Бог, она должна быть единственной, ·нерасторжимой, нескончаемой и Божественной. Господь не только даровал это установление, но также даёт и силу осуществить его в Таинстве христианского брака в Церкви. В нём мужчине и женщине даётся возможность стать одним духом и одной плотью, чего невозможно достичь только человеческой любовью. Христианский брак по существу своему является слиянием двух личностей в любви, любви человеческой, которая посредством таинственной благодати Святого Духа может быть преобразована в вечные узы, не нарушаемые даже смертью. Но это сакраментальное преображение нисколько не подавляет человеческой природы, всего комплекса эмоций, поступков, связанных с супружескими взаимоотношениями. Семья – это уникальный союз двух супругов в любви, двух существ, которые могут превзойти свою собственную человеческую природу и быть соединёнными не только «друг с другом», но и «во Христе». Само же рождение детей в семье есть плод настоящего познания и настоящей завершённой полноты супружеской жизни. Появление в семье третьего – ребёнка, рассматривается как богоустановленное творческое действие, совершаемое «по образу Божию». Рождение плода любви превращает двоицу в троицу, давая возможность ещё полнее отобразить любовь Божественную в земной жизни.

Cвятые праведные ИОАКИМ и АННА родители Пресвятой Богородицы
Молитва
О приснославнии Христовы праведницы, святии Богоотцы Иоакиме и Анно, предстоящии небесному Престолу Великаго Царя и велие дерзновение к Нему имущии, яко от Преблагословенныя Дщери вашея, Пречистыя Богородицы и Приснодевы Марии, воплотитися изволившему, к вам, яко многомощным предстателям и усердным о нас молитвенникам, прибегаем мы грешнии и недостойнии. Молите благость Его, яко да отвратит от нас гнев Свой, по делом нашим праведно на ны движимый, и да безчисленныя прегрешения наша презрев, обратит нас на путь покаяния и на стезю заповедей Своих да утвердит нас. Также молитвами вашими в мире живот наш сохраните и во всех благих благое поспешение испросите, вся яже к животу и благочестию потребная нам от Бога дарующе, от всяких напастей и бед и напрасныя смерти, предстательством вашим нас избавляюще, и от всех враг видимых и невидимых защищающе, яко да тихое и безмолвное житие поживем во всяком благочестии и чистоте, и тако в мире временное сие житие прешедше, в вечный достигнем покой, идеже вашим святым умолением да сподобимся Небеснаго Царствия Христа Бога нашего, Ему же со Отцем и Пресвятым Духом подобает всякая слава, честь и поклонение во веки веков. Аминь.

Пророк ЗАХАРИЯ и праведная ЕЛИСАВЕТА  родители Иоанна Крестителя
Молитва
О святии угодницы Божии, пророче Захарие и праведная Елисавето! Подвигом добрым подвизавшеся на земли, восприяли есте на небесех венец правды, егоже уготовал есть Господь всем любящим Его. Темже взирающе на святый ваш образ, радуемся о преславнем скончании жительства вашего и чтим святую память вашу. Вы же, предстоя Престолу Божию, приимите моления наша и ко Всемилостивому Богу принесите, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством вашим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.

Святые мученики АДРИАН и НАТАЛИЯ
Молитва
О священная двоице, святии мученицы Христовы Адриане и Наталие, блаженнии супрузи и доблии страдальцы! Услышите нас, молищяхся вам со слезами, и низпослите на ны вся благопотребная душам и телесем нашим, и молите Христа Бога, да помилует нас и сотворит с нами по милости Своей, да не погибнем во гресех наших. Ей, святии мученицы! Приимите глас моления нашего, и избавите ны молитвами вашими от глада, губительства, труса, потопа, огня, града, меча, нашествия иноплеменников и междоусобныя брани, от внезапныя смерти и от всех бед, печалей и болезней, да присно вашими молитвами и предстательством укрепляеми, прославим Господа Иисуса Христа, Ему же подобает всякая слава, честь и поклонение, со безначальным Его Отцем и Пресвятым Духом во веки веков. Аминь.

 

Святые мученики ХРИСАНФ и ДАРИЯ 
Молитва

Боже святый и во святых почиваяй, трисвятым гласом на небеси от ангел воспеваемый, на земли от человек во святых Своих хвалимый, давый Святым Твоим Духом коемуждо благодать по мере дарования Христова, и тою поставивый Церкви Твоей Святей овы апостолы, овы пророки, овы же благовестники, овы пастыри и учители, ихже словом проповеди, Тебе Самому действующему вся во всех, мнози совершишася святии в коемуждо роде и роде, различными благодетельми благоугодившии Тебе, и к Тебе, нам образ добрых подвигов своих оставивше, в радости прешедший, готови, в немже сами искушени быша, и нам напуствуемым помогати. Сих святых всех и Хрисанфа и Дарию воспоминая и их богоугодное похваляя житие, Тебе Самаго, в них действовавшаго, восхваляю, и онех благотворения Твоя дарования быти веруя, прилежно молю Тя, Святе святых, даждь ми грешному последовати их учению, житию, любви, вере, долготерпению, и их молитвенною помощию, паче же Твоею вседействующею благодатию, небесныя с ними сподобитися славы, хваляще Пресвятое имя Твое, Отца и Сына и Святаго Духа во веки. Аминь.

Святой благоверный князь ДИМИТРИЙ Донской и преподобная ЕВФРОСИНИЯ Московская 

Тропарь бл. кн. Димитрию Донскому, глас 3 

Велика обрете в бедах тя поборника Земля Русская, / языки побеждающа. / Якоже на Доне Мамаеву низложил еси гордыню, / на подвиг сей прияв благословение преподобнаго Сергия, / тако, княже Димитрие, Христу Богу молися, // даровати нам велию милость.

Тропарь прп. Евфросинии Московской, глас 8

По земнем вдовстве Небесному Жениху себе уневестивши / и в княжестем чертозе подвижнически поживши, / послежде и чертог и чад твоих Бога ради оставила еси, преподобная Ефросиние, / и, вшедши в обитель, тобою созданную, / и во иноческом образе многи подвиги показала еси / и святое твое житие по благодати Божией блаженною кончиною увенчала еси. / И ныне, предстоящи Христу Богу, // моли спастися душам нашим.

Преподобные КИРИЛЛ и МАРИЯ Радонежские родители прп. Сергия Радонежского
Молитва 
О раби Божии, преподобнии Кирилле и Марие! Аще и скончали есте временную жизнь свою телом, но духом не отступаете от нас, руководствуете же ны ко Христу Богу, наставляете шество- вати по заповедем Господним и носити крест свой и последовати Владыце нашему. Вы, преподобнии, вкупе с преподобным и богоносным отцем нашим Сергием, вашим возлюбленным сыном, имеете дерзновение ко Христу Богу нашему и ко Святей Его Богоматери. Будите молитвенницы и ходатаи о нас, недостойных, жительствующих во святей обители вашей, ей же вы и начальницы. Будите помощницы и заступницы Богом собранней дружине сей, да жительствующим на месте сем и приходящии с верою, вашими молитвами сохраняеми, невредими от бесов и от человек злых пребудем, славяще Святую Троицу, Отца и Сына и Святаго Духа, ныне, и присно, и во веки веков. Аминь.

Преподобные СЕРГИЙ и ВАРВАРА родители прп. Александра Свирского

Святые родители преподобного Александра Свирского – Стефан и Васса, после ухода сына из дома, долго сокрушались об исчезновении своего сына, не ведая, жив ли он. Лишь спустя три года они узнали, что сын их живет на Валааме. Стефан поехал в Валаамский монастырь повидать его и упросить вернуться домой. Но на все уговоры Преподобный ответил: «…иди ныне в дом твой с миром, и вся, елика обещал еси мне собранная имения твоя, продаждь, и раздай нищим… Молю тя, отче мой, устрой в дому своем и иди в монастырь Пресвятыя Богородицы во Остров, и туда пострижешися, и спасение души получиши…». По усердным молитвам преподобного Александра, отец его вскоре так и поступил. Придя домой, он, что требовалось, исправил, раздал свое имение и удалился в Островской Введения во Храм Пресвятой Богородицы монастырь, где принял постриг с именем Сергия. За ним последовала и супруга, приняв в иночестве имя Варвары. Пожив благочестно, схимонах Сергий и схимонахиня Варвара мирно отошли ко Господу примерно около 1477-1480гг. Похоронили их в нижнем этаже Богоявленской церкви (ныне не сохранилась), в приделе Преображения Господня.
Церковь Богоявления, где были похоронены преподобные, в богоборческие времена была полностью разрушена. Ныне в действующем Введено-Оятском монастыре на этом месте установлены надгробия преподобных Сергия и Варвары.

Святые благоверные князь ПЕТР и княгиня ФЕВРОНИЯ Муромские 
Молитва
О велиции угодницы Божии и предивнии чудотворцы, благовернии княже Петре и княгине Февроние, града Мурома предстателие и хранителие, и о всех нас усерднии ко Господу молитвенницы! К вам прибегаем и вам с упованием крепким молимся: вознесите о нас, грешных, святыя молитвы ваша ко Господу Богу, и испросите у благости Его вся благопотребная душам и телесем нашим: веру праву, надежду благу, любовь нелицемерну, благочестие непоколебимо, в добрых делех преуспеяние, мира умирение, земли плодоносие, воздуха благорастворение, телесем здравие и душам спасение. Исходатайствуйте у Царя Небеснаго Церкви Святей и всей державе Российстей мир, тишину и благоустроение, и всем нам житие благополучное и добрую христианскую кончину. Оградите Отечество наше и вся грады Российския от всякаго зла; и вся правоверныя люди, к вам приходящия и святым мощем вашим поклоняющиеся, осените благодатным действом богоприятных молитв ваших, и вся прошения их во благо исполните. Ей, чудотворцы святии! Не презрите молитв наших, со умилением вам днесь возносимых, но будите о нас приснии предстателие ко Господу, и сподобите нас помощию вашею спасение вечное улучити и Царствие Небесное унаследовати: да славословим неизреченное человеколюбие Отца и Сына и Святаго Духа, в Троице покланяемаго Бога, во веки веков. Аминь.

Царственные мученики

Молитва 

О святый страстотерпче царю мучениче Николае! Господь тя избра помазанника Своего, во еже милостивно и право судити людем твоим и хранителем Церкви Православныя быти. Сего ради со страхом Божиим царское служение и о душах попечение совершал еси. Господь же, испытуя тя, яко Иова Многострадальнаго, попусти ти поношения, скорби горькия, измену, предательство, ближних отчуждение и в душевных муках земнаго царства оставление. Вся сия ради блага России, яко верный сын ея, претерпев и, яко истинный раб Христов, мученическую кончину прием, Небеснаго Царства достигл еси, идеже наслаждаешися Вышния славы у Престола всех Царя, купно со святою супружницею твоею царицею Александрою и царственными чады Алексием, Ольгою, Татианою, Мариею и Анастасиею. Ныне, имея дерзновение велие у Христа Царя, моли, да простит Господь грех отступления народа нашего и подаст грехов прощение и на всякую добродетель наставит нас, да стяжим смирение, кротость и любовь и сподобимся Небеснаго Царствия, идеже купно с тобою и всеми святыми новомученики и исповедники Российскими прославим Отца и Сына и Святаго Духа, ныне и присно и во веки веков. Аминь.